Yoz mavsumini kitob mutolaa qilib o`tkazamiz!

☀️Yoz fasli, ayniqsa, bolajonlarimiz uchun o‘zgacha shodlik va shukuh olib keladi, axir ular uchun bu faslda darslar va uy vazifalaridan ozod bo‘lgan ta’til kunlarini maroqli o‘tkazish damlari boshlanadi. Endi ular vaqtini o‘zlari istagandek o‘tkazishlari mumkin. O`zlari yoqtirgan kitoblarni mutoala qilishlari mumkin. O`qigan kitoblari yuzasidan do`stlari bilan suhbatlashishlari maqsadga muvofiqdir.✍️

Boysun tuman Axborot-kutubxona markazi tomonidan tumandagi 39-sonli maktabda tashkil etilgan 10 kunlik  «G`uncha» nomli oromgohda dam olayotgan bolajonlarga eng sara bolalar adabiyotlari asosida «Kitobim oftobim» mavzusida kitob targ`ibotlari o`tkazildi. Markaz mutaxassisi  B.Mamatqulova tomonidan eng yaxshi  asarlar, ertaklar o`qish uchun tavsiya etildi.