O’zbek xalqining sevimli shoiri Usmon Azim bugun oilalari, yaqin do’stlari davrasida muborak 75 yoshni qarshiladilar.
Shu munosabat bilan Boysun TAKM jamoasi sevimli adibimizni muborak 75 yoshlari bilan muborak etadilar. Ijodlariga omad tilab qolamiz 📚🎂

USMON_AZIM_MUKOFOTLANDI

Bugun yurtimiz ijodkorlari dunyoga chiqyapti. Ayniqsa, turkiy davlatlararo adabiy bordi-keldilarimiz ancha jonlandi. Bizning adabiy asarlarimiz boshqa tillarga, boshqa xalqlarning adabiyoti bizga o‘girilyapti.
Shu kunlarda O‘zbekiston xalq shoiri Usmon Azim va O‘zbekiston Yozuvchilar uyushmasi aʼzosi, tarjimon Raʼno Azimova Qozog‘iston Respublikasida bo‘lib, qozoq xalqining buyuk mutafakkiri va donishmand shoiri Abay Qononboyev tavalludining 180 yilligi munosabati bilan tashkil etilgan “Insonni sev, birodarim degin” xalqaro sheʼriyat festivalida qatnashdi.
Festival doirasida O‘zbekiston xalq shoiri Usmon Azim Ruminiyadagi Emenesku akademiyasining oltin medali va Qozog‘istonning Alash nishoni bilan mukofotlandi.
Shuningdek, Raʼno Azimova ham ushbu festivalda faol qatnashgani uchun TURKSOYning “Tashakkurnoma”si bilan taqdirlandi.

Fozil Farhod

Manba: O`zbekiston yozuvchilar uyushmasining feyzbook sahifasidan olindi.